Эмнэлгийнханы алдаатай үйлдлээс болж жилд 20 мянган хүн амиа алддаг

Герман улсад жил тутам 20 мянга гаруй хүн чадваргүй эмч, эмнэлгийн буруутай үйлдлээс болж амиа алддаг ажээ. Хохирогсдын дийлэнх нь буруу оношилгоо, хайхрамжгүй байдал гаргаж халдвар тараах, буруу жорын эм бичих зэрэг алдааны улмаас бие эрхтэн, амь насаараа хохирдог байна. Судлаачдын мэдээлж буйгаар энэ үзүүлэлт нь тус улсад автын ослоор нас барагсдын тооноос давж байгаа аж. Эмнэлгийн зохион байгуулалт, дэг журам муутайгаас ийн хүн амь хохирч байгаа нь туйлын харамсалтай хэрэг хэмээн дээрх судалгааг гаргасан нийгмийн даатгалын газраас мэдээлсэн байна.