“Хөвсгөл ньюс” компанийн Б.Ганзориг нарт оноосон ялыг хэвээр үлдээжээ

Энэ сарын 24-ний өдөр Хөвсгөл аймгийн шүүхэд "Хөвсгөл ньюс" компанийн гүйцэтгэх захирал Б.Ганзориг нарт холбогдох хэргийн шүүх хурал болж, анхан шатны шүүхээс оноосон ялыг хэвээр үлдээжээ. Өнгөрөгч 2013 оны зургадугаар сарын 28-нд буюу УИХ-ын сонгуулийн санал хураалтын өдөр Б.Ганзоригийг тус телевизийн сэтгүүлчийн биед халдсан, танхайрсан гэх үндэслэлээр саатуулж, улмаар анхан шатны шүүхээс түүнд гурван жил таван сар, хамтран танхайрсан гэх Б.Лхагвасүрэнд 3 жил нэг сарын хорих ял тус тус оноосон юм. Шүүгдэгчид дээрх шийдвэрийг эсэргүүцэн давж заалдах шатны шүүхэд хандаад байсан ч оноосон ялыг хэвээр үлдээсэн шийдвэр гаргасан байна.