Айдастай тулгарахаас бүү ай, түүний цаана мөрөөдөл чинь бий

Тулгарах нь гарцаагүй үйл явдалд тайван хандаж сурах нь хүн бүхэнд хэрэгтэй болоод байна. Дараах тайвшрах аргуудыг сэтгэл судлаачид бидэнд санал болгож байна.

1.    Хоосон орон зайг өөртөө бий болго

Яг “одоо энд” таны дотор юу болж байгаад анхаарлаа төвлөрүүл. Өнгөрсөнийг эцэс төгсгөлгүй дүгнэн шинжилж, бүрхэг ирээдүйг бүтээхээ зогсоох нь таны сэтгэл санааг тэнцвэртэй болгоно. Энэ гэхдээ тийм амар биш. Учир нь хүн нэг бол өнгөрснийг нэг бол ирээдүйн тухай тасралтгүй бодож эрэгцүүлж байдаг. Энэ бодлыг таслан зогсоож зөвхөн энд одоо өөрийн биенд бүх сэтгэл санаагаа төвлөрүүл. Мэдээж танд ганцаараа чимээгүй байх, тав тухтай орчин хэрэгтэй. Ингээд амьсгаа, булчин цусны эргэл зэргээ ажиглан мэдэрхийг хичээ.  

2.    Айдсыг цэхлэн хар  

Айдас гэдэг зүйл бид ямар нэгэн зүйлийг харахыг хүсэхгүй байгаа үед бий болдог. Айдас бол яг л компас шиг амьдарлаа илүү сайхан болгохын тулд бид хаашаа анхаарлаа хандуулах ёстойг тэр зүг чигийг заадаг. Ийм учраас л айдсыг цэхлэн харж, түүний хойноос явах хэрэгтэй юм.

3.    Өөрийн жинхэнэ хүслээ тодорхойл    

Бид ихэнхдээ жинхэнэ хүслээ төдийлөн шууд илэрхийлээд байдаггүй. Яг юу хүсээд байгаагаа ч мэдэхгүй байх нь олонтаа. Бидний уур бухимдал, гуниг, зөрүүд зангийн маань эцсийн зорилго нь юу вэ? Бид энэ асуултанд өөртөө үнэнчээр хариулж чадах эсэхээс олон зүйл хамаардаг. Тиймээс та жинхэнэ хүсэл маань юу вэ гэдэг тухай сайтар бодож үзээрэй.

4.    Эерэг хандлагыг бий болго

Аливаа зүйлийн муугаас илүү сайн талыг харж сурах нь чухал. Бид өөрийн хүч энергээ сөрөг зүйлийг даван туулахад зарцуулахгүйгээр өөр зүйлд хадгалж болно. Энэ бол муу үйл явдлын ашиг тустай талыг харж түүн дээр “дөрөөлж” дараагийн амжилтын хаалганд хүрдэг байх чадвар юм. Сэтгэлийн дотоод тайван байдалд саад болдог гол бэрхшээл бол бидний айдас юм. Айдас олон хэлбэртэй байж болно: өөрөөсөө бусдаас эсвэл тодорхойгүй ирээдүйгээс, байж болох азгүйтлээс бид айдаг. Аливааг эергээр хүлээн авах нь хэзээд давуу байдлыг бий болгодог. Тиймээс айдсыг ч мөн эерэг сэтгэлгээгээр даван гарч болно.