Жорж Клунигийн хүүхдүүд ил болов

57 настай жүжигчин Жорж Клуни, 40 настай хуульч Амаль Клуни нар ихэр хүүхдүүдтэй билээ. Тэд хувийн амьдралаа олноос нууцалж, гудамжаар явахдаа хүүхдүүдийнхээ зургийг авахыг гэрэл зурагчдад зөвшөөрдөггүй. Тэгвэл гэрэл зурагчид өчигдөр Жорж Клунигийн эхнэр Амалийн ихрүүдтэйгээ хамт яваа зургийг даржээ. Жүжигчний эхнэр хүүхдүүдээ тэврэн Нью-Йоркийн “Four Seasons” зочид буудлаас гарч яваад гэрэл зурагчдад “баригджээ”.

Жорж Клуни, Амаль нар 2014 онд гэрлэж, 2017 онд ихэр хүүхдүүдтэй болсон билээ.

Түүнчлэн Жорж Клуни болон түүний эхнэр Их Британийн ханхүү Харригийн хүүхдийн загалмайлсан эцэг эх болохоор "сонгогджээ". Ханхүү Харри болон түүний эхнэр Меган Маркл нарын анхны хүүхэд нь ирэх хавар мэндлэх юм.

О.Саша

WWW.ZINDAA.MN