Эрчимжсэн мал аж ахуйн хөгжлийг дэмжих хөтөлбөрийг баталлаа

Э.Тэргэл | Zindaa.mn
2018 оны 12 сарын 26

Эрчимжсэн мал аж ахуйн хөгжлийг дэмжих үндэсний хөтөлбөрийг баталлаа. Хэрэгжүүлэх арга хэмжээг жил бүрийн Үндсэн чиглэлд тусгаж, шаардагдах хөрөнгийг улс, орон нутгийн төсөв, гадаадын зээл, тусламжаас гаргах юм. 2019-2023 онд хэрэгжүүлэх хөтөлбөрт 166,3 тэрбум төгрөг зарцуулахаар төлөвлөөд байна.

Хөрөнгийг эрчимжсэн мал аж ахуй эрхлэгчид, мэргэжлийн холбоодыг чадавхижуулах, кластерын системд шилжүүлэх, өндөр ашиг шимтэй мал, амьтан импортлох, нутагшуулах, тэжээл, хүнсний аюулгүй байдлыг баталгаажуулах, технологи нэвтрүүлэх зэрэгт дэмжлэг үзүүлэхэд зориулна.

Хөтөлбөр хэрэгжсэнээр:

  • Сүү боловсруулах үйлдвэрийн хүчин чадлын ашиглалт 35 хувиар нэмэгдэнэ

  • Өсгөн үржүүлэх үхрийн тоо хоёр дахин, нэг малаас авах сүү, махны гарц 20 хувь, үйлдвэрийн аргаар боловсруулах сүү, махны хэмжээ 30 хувиар нэмэгдэнэ

  • Шингэн сүүний импортыг тэглэж, хуурай сүүний импорт 30, бусад сүүн бүтээгдэхүүний импорт 15 хувиар буурна

  • Өндөгний импорт 90, зөгийн балны импорт 70 хувь буурна

  • Эрчимжсэн мал аж ахуйн тэжээлийн хангамж 40, техник, технологийн шинэчлэл 30 хувиар нэмэгдэх юм. 

Энэ хэрээр гадагшаа урсах их хэмжээний валют эх орондоо үлдэнэ гэж тооцоолж байна. 2016 онд манай улс гаднаас малын гаралтай хүнсний бүтээгдэхүүн, малын тэжээл авахад 41 сая ам.доллар буюу 98 тэрбум гаруй төгрөг зарцуулсан. 2017 оны байдлаар энэ тоо 1,6 дахин өсч 64 сая ам.доллар буюу 160 орчим тэрбум төгрөгт хүрчээ.

Эх сурвалж: Засгийн газар

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Sukhbaatar (103.26.193.99)  2018 оны 12 сарын 26

Хот суурин газрын ойр орчимд эрчимжсэн АА-г хөгжүүлэх нь улсын бодлого байхаас аргаггүй юмаа. Хөдөө орон нутагт нутгийн шилмэл малаа эрчэмжүүлэх тал дээр анхаармаар бгаа .юмаа. гадны өндөр ашиг шимтэй малыг Монголын байгаль цаг уур, орчны нөлөөллийг тооцож, амьдрах чадвар, ашиг шимийн бодит үзүүлэлтийг нарийн тооцож ирээдүйн ашиг, үр шимээ тооцож гаргах нь зөв шүү. Тэр малын өндөр ашиг шимийг тэр чигээрэн тооцож эцсийн ажлын үр дүн унадаг алдаа бий шүү. Амжилт

0  |  0
зочин (202.179.31.42)  2018 оны 12 сарын 26

Мянгат малчин тодруулаад, зараад урамшуулаад байхаар яаж тоо толгой нь цөөрч эрчимжсэн аж ахуй болох вэ дээ? Мөн ч сонин бодлого шүү. Аль цөөхөн тоо толгой гоос авч буй ашиг шимээр нь тооцохгүй олон болгож өсгөсөн, мянгат болсон нөхдүүдийг урамшуулаад эрчимжсэн аж ахуй яриад алж байна даа. Ам ажлын зөрөө гэж үүнийг л хэлдэг байх даа.

0  |  0
Top