БНСУ-ын Ерөнхийлөгчийг баривчлах ажиллагаа долоон цаг үргэлжилжээ

БНСУ-ын Ерөнхийлөгч Юн Сог Ёлийг баривчлах ажиллагаа долоо гаруй цаг үргэлжилсэн тухай Ёнхап агентлаг дамжуулжээ.

Юн Сог Ёлийг баривчлах хоёрдох оролдлого лхагва гарагт орон нутгийн цагаар 03.20 цагт эхэлжээ. Ерөнхийлөгчийн ордон руу хүрэх замд хууль хүчнийхэн хэд хэдэн хаалт, тэр дундаа автомашинуудаар хийсэн хаалтыг давсан байна. Хууль хүчнийхэн болон ерөнхийлөгчийн хамгаалалтын албаныхан хоёр цаг орчим хэлэлцээ хийсэн байна. Юн Сог Ёлыг орон нутгийн цагаар 10.33 цагт баривчилжээ.

Харин БНСУ-ын Ерөнхийлөгч өөрөө цус урсгахаас зайлсхийхийн тулд сайн дураар мэдүүлэг өгөхөөр очсон хэмээн мэдэгджээ. Тэрбээр мөрдөн шалгалтыг хууль бус гэж үзэж буйгаа онцолсон байна.

10.53 цагт Юн Сог Ёлийг хамгаалалтын албаны автомашинаар Авлигатай тэмцэх газарт аваачсан байна. Хууль хүчнийхэнд Ерөнхийлөгч Юн Сог Ёлиос мэдүүлэг авахад 48 цагийн хугацаа байна. Үүний дараа түүнийг саатуулах хугацааг сунгах хүсэлт гаргах ёстой. Орон нутгийн цагаар 11.00 цагт мэдүүлэг авч эхэлсэн ба нийт 200 хуудас материал бүрдүүлээд байгаа аж.