Хувьцааны арилжаа түүхэн дээд хэмжээнд хүрлээ

2018 онд Монголын хөрөнгийн бирж /МХБ/ нь үүсгэн байгуулагдсанаас хойш түүхэндээ анх удаа хамгийн олон буюу зургаан шинэ үнэт цаасыг бүртгэж арилжсан, анхны давхар бүртгэлийг зах зээлд нэвтрүүлсэн, даатгалын салбарын компаниудын үнэт цаасыг бүртгэсэн зэрэг амжилт бүтээлээр дүүрэн байсныг МХБ-ээс онцолж байна.

210 тэрбум төгрөгийн хувьцааны анхдагч болон хоёрдогч зах зээлийн арилжаа хийсэн нь мөн түүхэн дээд амжилт болжээ. Энэ нь өмнөх түүхэн дээд үзүүлэлт болох 2012 оны үзүүлэлтээс даруй 45 хувиар өссөн дүн аж.