Шинэ үеийн дурсгалын зоос хагас зуу орчим жилийн түүхэн уламжлалтай
Монгол Улсын шинэ үеийн дурсгалын зоос хагас зуу орчим жилийн түүхэн уламжлалтай. Хүн төрөлхтний болон өөрийн орны түүхэн тэмдэглэлт ой, түүхт хүмүүс, соёлын өв, онцлог үйл явдал, соёл урлаг, спортын амжилтад зориулан Монголбанк олон төрлийн дурсгалын зоос гаргажээ. Дурсгалын зоосыг алт, мөнгө, цагаан алт зэргээс гадна зэс, никель, гууль зэрэг өнгөт төмөрлөгөөр хийсэн байна.
Дурсгалын зоос нь тухайн үйл явдалд зориулсан зураг чимэглэл, тусгай бичвэртэй байдгаараа бусад зоосноос ялгаатай. Монгол Улсын банк 1971 онд Ардын хувьсгалын 50 жилийн ойд зориулан нэг төгрөгийн нэрлэсэн үнэтэй алт, мөнгө, гууль, никель дурсгалын зоосыг анх гаргасан байна.
Улс орон бүр түүхэн онцлог үйл явдалд зориулж зоос гаргадаг бөгөөд манай улс ч энэ жишгээр явж иржээ. Түүхэн тэмдэглэлт үйл явдалд зориулсан, өвөрмөц загвартай, цөөн тоотой үнэт зоос эрэлт ихтэй байдаг.
Холбоотой мэдээ
Сэтгэгдэл ( 0 )