ХӨВСГӨЛ: Монгол цаатнуудад Турк улс туслалцаа үзүүллээ

Монгол орны хамгийн хойд хэсэгт аж төрдөг цаатан ардын соёл, ахуй, зан заншлыг хамгаалах зорилгоор 10 тонн хүнс, тэжээлийг Туркийн хамтын ажиллагааны байгууллага үзүүлжээ. Хөвсгөл аймгийн Цагаан-Нуур суманд орших цаатнууд нь Туркийн Духа гаралтай бөгөөд одоогийн байдлаар 800 хүрэхтэй үгүйтэй Духа цаатнууд аж төрдөг гэсэн судалгаа бий. Түүнчлэн Цагаан-Нуур суманд цаатнуудыг Ерөнхий боловсролын сургуульд хамруулах зорилгоор Цагаан-Нуур сумын бага сургуулийг өргөтгөхөд техниикийн туслалцаа үзүүлсэн байна.

Цаатнуудын соёл, зан заншлыг жуулчдад сурталчлах, олон нийтэд мэдээлэл хүргэх зорилгоор өнгөрсөн оны наймдугаар сарын 16-17-ны өдрүүдэд Цагаан-Нуур суманд цаатны фестиваль зохион байгуулсан билээ. Туркийн хамтын ажиллагааны байгууллага 2000 оноос эхлэн цаатан ард тэр дундаа Духа Турк гаралтай духа соёлыг тээж яваа цаатнуудыг хамгаалахад онцгойлон анхаарч ирсэн юм.