2019 онд шинээр 53 сургууль, 74 цэцэрлэг ашиглалтад орно

Боловсрол, соёл, шинжлэх ухаан, спортын салбарт 2019 онд орон даяар 603 төсөл, арга хэмжээ хэрэгжиж байгаагаас 222 нь өмнөх онуудаас шилжиж, 381 нь энэ онд шинээр эхэлж байгаа аж. Улсын хэмжээнд энэ онд 53 сургууль ашиглалтад орох бол 74 цэцэрлэг шинээр ашиглалтад орохоор төлөвлөжээ.

Монгол Улсын Засгийн газар, БСШУС-ын яам "Сургуулийн III ээлжийг II ээлжинд шилжүүлэх, хүүхэд бүрийг цэцэрлэгт хамруулах зорилт"-ыг дэвшүүлж, энэ онд дараах барилга, бүтээн байгуулалтын ажлуудыг ашиглалтад хүлээн авахаар ажиллаж байгаа юм байна.