Путины бүрэн эрхийн хугацааг тэглэх нь хуульд нийцнэ гэж үзжээ

ОХУ-ын Үндсэн хуулийн цэц тус улсын Ерөнхийлөгч Владимир Путинд ерөнхийлөгчийн сонгуульд дахин өрсөлдөх боломжийг олгосон Үндсэн хуульд  нэмэлт өөрчлөлт оруулах тухай хууль Үндсэн хуульд нийцэж байна гэж үзжээ.

ОХУ-ын Үндсэн хуулийн цэц ерөнхийлөгчийн бүрэн эрхийн хугацааг тэглэх нь хуульд нийцнэ гэж үзсэн нь 1998 онд Борис Ельцинд гурав дахь удаа төрийн тэргүүний сонгуульд өрсөлдөхийг хориглож байсан өөрийн байр суурийг өөрчилснийг илтгэж байна. Үндсэн хуулийн цэц В.Путинд 2024 онд ерөнхийлөгчийн сонгуульд өрсөлдөх эрхийг олгож буй нэмэлт өөрчлөлтөд орсон заалт 1993 оны Үндсэн хуульд тусгаагүй байна гэж тайлбарлажээ. Путины санал болгож буй процедурын дагуу Үндсэн хуульд оруулах нэмэлт өөрчлөлтийг бүх Оросын санал асуулгаар нэг багцаар ард түмний саналыг нэг удаа авах аж. Санал асуулгын дөрөвдүгээр сарын 22-нд явуулахаар төлөвлөсөн бөгөөд коронавирусний халдварын улмаас хойшлуулах төлөвлөгөө одоогоор байхгүй гэж Кремль мэдэгджээ.

ОХУ-ын Үндсэн хуулийн цэц энэ асуудлыг хоёр хоногийн дотор авч хэлэлцсэн бөгөөд үүнээс өмнө Крымийг ОХУ-д нэгтгэх тухай гэрээний асуудлыг ийм шуурхай хэлэлцэж байсан аж.

Владимир Путины бүрэх эрхийн хугацааг тэглэх саналыг Төрийн думын гишүүн, дэлхийн анхны эмэгтэй сансрын нисэгч Валентина Терешкова энэ сарын 10-нд гаргасан билээ. Путин өөрийн зүгээс энэ нэмэлт, өөрчлөлтийг Үндсэн хуулийн цэц дэмжвэл зөвшөөрнө гэж мэдэгдэж байсан юм.