Тунист галт тэрэг мөргөлдөж, 30 гаруй хүн бэртжээ

Тунист өчигдөр орой /2021.10.08/ хоёр галт тэрэг мөргөлдөж, 30 гаруй хүн гэмтэж бэртжээ.

Тус улсын Mosaique FM радиогоос мэдээлснээр осол Бен-Арус хотод болсон бөгөөд гэмтэж бэртсэн хүний тоо цаашид нэмэгдэж магадгүй гэнэ.

Гэмтэж бэртсэн хүмүүсийг эмнэлэг, Бен-Арус хотын Гэмтэл согог судлалын төвд хүргэжээ.

Зорчигч тээврийн галт тэрэгнүүд мөргөлдсөн шалтгааныг тодруулахаар мөрдөн шалгах ажиллагаа эхэлжээ.