Казахстаны эдийн засагт учирсан хохирол 0.8-2.5 тэрбум ам.доллароор хэмжигдэж байна

Автор | Zindaa.mn
2022 оны 01 сарын 13

Казахстанд эмх замбараагүй байдал үүссэний улмаас бизнесийн салбарын үйл ажиллагаа тасалдаж, эдийн засагт нийт 0.8-2.5 тэрбум ам.долларын хохирол учирсан талаар Стратегийн судалгааны төвийн дэд ерөнхийлөгч Татьяна Радченко мэдэгджээ.

Тэрбээр “2022 онд Дотоодын нийт бүтээгдэхүүний бодит алдагдал 0.8-2.5 тэрбум ам.долларт хүрч магадгүй байна” гэжээ.

Тус улсад интернет худалдааг зогсоосны алдагдал л гэхэд энэ сард ойролцоогоор 144 сая ам.долларт хүрэх аж.

Казахстаны Ерөнхийлөгч Касым-Жомарт Токаев Алматы хотод үймээн самуунаар сүйдсэн гол байгууламжуудыг найман сарын дотор сэргээх үүрэг өгсөн билээ.

 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top