Ким Кардашъяаны тансаг зэрэглэлийн ХУВИЙН онгоц

Реалитиа шоуны од Ким Кардашъяан тансаг зэрэглэлийн G65OER загварын онгоцыг 95 сая ам.доллараар хийлгэжээ. Тэрээр өнгөрөгч баасан гарагт Милан хотоос Лос Анжелес рүү хувийн онгоцоороо ниссэн бөгөөд тус онгоц нь ноолууран бүхээг болон арьсан суудалтай аж.

Түүний хувийн сууцтай төстэй загвараар тохижуулсан уг онгоцны дотоод засал чимэглэлийн үнэ тусдаа бодогдсон гэнэ. Нэг жилийн хугацаанд бүтсэн уг онгоцны хоолны хэрэгсэл нь Кимийн гэрт байдаг хэрэгслүүдтэй ижил загвартай. 

Онгоцонд сууж буй зочдыг ая тухтай байлгахын тулд үслэг шаахай болон унтлагын хувцас өгдөг бөгөөд нийт 18 хүний суудалтайгаар зохион бүтээгджээ. 

Тус онгоцны нийт өртөг ойролцоогоор 150 сая ам.доллараар үнэлэгдэж байгаа бөгөөд экс нөхөр Канье Уэстийн хамтаар эзэмшдэг байсан Boеing 747 загварын онгоц нь 660 хүний суудалтай, цагийн хөлс нь 200.000 ам.доллараар үнэлэгдэж байсан билээ.