СҮХБААТАР: Томуу, томуу төст өвчний дэгдэлт улаан түвшинд хүрчээ

О.Шинэтуяа | Zindaa.mn
2022 оны 05 сарын 23

Сүхбаатар аймгийн удирдах ажилтны ээлжит шуурхай хуралдаан өнөөдөр /2022.05.23/ боллоо. Уг хуралдаанаар цаг үеийн шинж чанартай мэдээ мэдээллийг солилцон БТСГ, ЭМГ, Орон нутгийн өмчийн газар, Цагдаагийн газар, ГХБХБГ зэрэг байгууллагууд мэдээлэл хийсэн юм.

Энэ үеэр аймгийн Эрүүл мэндийн газрын даргын үүргийг түр орлон гүйцэтгэгч Д.Болормаа коронавируст халдварын тухай мэдээллийг өгөхийн сацуу аймгийн хэмжээнд томуу, томуу төст өвчний халдвар их байгаа тухай дуулгалаа. Тодруулбал, Коронавируст халдварын тохиолдол өнгөрөгч долоо хоногт Сүхбаатар аймагт нэмж бүртгэгдээгүй хэдий ч томуу, томуу төст өвчний дэгдэлт буурахгүй улаан түвшинд хэвээр байгаа гэв.

Үүнтэй холбоотойгоор аймгийн өрхийн эмнэлгүүд уртасгасан цагаар ажиллаж байгаа аж.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top