ДУНДГОВЬ: Хүүхдийн баяраар дугуйн уралдаан болно

Хүүхдийн эрхийг хамгаалах өдрийг тохиолдуулан Дундговь аймгийн Сайнцагаан сумын төвд хүүхдүүдийг хамруулсан дугуйн уралдаан зохион байгуулагдана. Насны ангиллын хувьд цэцэрлэгийн нас, 6-7 нас, 8-9 нас, 10-12 нас, 13-15 нас, 16-18 насны ангиллаар тус тус зохион байгуулагдана. 

Уралдаанд оролцох хүүхдүүд өөрийн дугуйгаар оролцох ёстой бөгөөд өөрийн болоод дугуйныхаа аюулгүй байдлыг сайтар хангах шаардлагатай юм. Насны ангилал тус бүрт 1-3 дугаар байрыг шалгаруулж, өргөмжлөл, алт мөнгө хүрэл медалиар шагнах ажээ.