ХЭНТИЙ: Өмнөдэлгэр сумын шинэ сургуулийг 8 тэрбум төгрөгөөр барьж байна

О.Шинэтуяа | Zindaa.mn
2022 оны 09 сарын 05

Хэнтий аймгийн Өмнөдэлгэр сумын 640 хүүхдийн багтаамжтай сургуулийн барилгын ажлын явцтай аймгийн ХБТХОХ-ийн дарга Э.Мөнх-Эрдэнэ танилцаж, гэрээний үүргийн биелэлтийг шалгалаа.

Тус сумын хуучин сургууль нь 1976 онд 300 хүүхүүдийн суудалтай баригдаж, сүүлд нь бага сургууль нэмж барьснаас хойш огт шинэчлэл хийгдээгүй юм. Мөн сумын хүн ам нэмэгдэж, сургуулийн хүртээмж багасаж, хүүхдүүд өглөөний 7 цагаас оройн 21 цаг хүртэл хичээллэж түүнийгээ дагаад олон хүндрэлүүд гардаг байна. Тиймээс эдгээр асуудлыг шийдэх зорилгоор 2019 онд Улсын төсвийн 8 тэрбум төгрөгийн хөрөнгөөр шинэ сургуулийн барилгын ажлыг эхлүүлжээ.

Сургуулийн барилгыг "Эм Жи Эл Би" ХХК болон "Өндөр Баганат" ХХК-ний түншлэлээр гүйцэтгэж байгаа бөгөөд 2023 онд ашиглалтад оруулах төлөвлөгөөтэй ажиллаж байна.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top