Продюсер Х.Анхбаяр хос АЛТАН ПЯНЗ хэвлүүлэхээр болжээ

Хөгжмийн зохиолч, продюсер Х.Анхбаяр Монголд анх удаагаа поп оркестртой хип хоп шоу зохион байгуулсан нэгэн. Урлагт хөл тавиад 20 гаруй жил болж байгаа тэрээр Монголын төдийгүй гаднын уран бүтээлчидтэй хамтран ажилладаг. 

"X'Treme" студи, "DX Production",  "Next Star"  студи, "Star"  студи, "B.O" студид тус тус хөгжмийн зохиолч, дууны найруулагч, продюсераар ажиллаж байсан туршлагатай тэрээр хип хоп ертөнцөд өөрийн орон зайг хэдийнэ бий болгожээ. 

Хятад, Орос, Америк, Өвөр Монгол, Франц, Швед зэрэг улсын уран бүтээлчидтэй дуу, хөгжим, кино, жүжиг зэрэг уран бүтээлүүд дээр хамтран ажилласаар байгаа Х.Анхбаяр энэ удаад өөрийн анхны бие даасан хөгжмийн бүтээл болон клипээ энэ сарын 31-ний өдөр цацах гэж байна. 

Үргэлжлүүлээд 9 тракаас бүрдсэн хос алтан пянзаа Герман улсад хэвлүүлэхээр зэхээд байгаа тэрээр 10 гаруй улсад нээлтийн арга хэмжээгээ зохион байгуулахаар болжээ.