НӨАТ-ын сугалааны азтанууд маргааш тодорно

НӨАТ-ын урамшууллын сугалааны тохирол маргааш буюу нэгдүгээр сарын 24-нд 13:00 цагт ибаримт аппликэйшн болон "Боловсрол" суваг телевизээр шууд дамжуулна.

2023 оны арванхоёрдугаар сарын 1-31-ний өдрийн хооронд худалдан авалт хийсэн төлбөрийн баримтаа өнөөдөр 23:59 цагаас өмнө бүртгүүлээрэй

Сугалааны шинэчлэлээр тохирол таарсан азтанд урамшуулал олгохдоо тухайн худалдан авалт хийсэн аймаг, дүүргийн баримт хэвлэлтийн өсөлтийн хувиар урамшууллыг нэмэгдүүлэн олгодог болсон. Өнгөрсөн сард 41,348 хүн азтан болсон байна.

• 3 орон таарвал /30,000-60,000 төгрөг/
• 4 орон таарвал /40,000-100,000/
• 5 орон таарвал /60,000-500,000 төгрөг/
• 6 орон таарвал /100,000- 5 сая төгрөг/
• 7 орон таарвал /500,000- 10 сая/
• 8 орон таарвал 5-30 сая төгрөг хожих юм.