Бах мэлхийнд зориулж хонгил барихад хагас сая евро зарцуулна

Германы Хамбург хот орчмын Блакенезе сууринд бах мэлхий, нуурын тритон гүрвэлийн тоо толгой нэг жилийн дотор 30 гаруй хувиар цөөрчээ. Үүнтэй холбогдуулан Ногоон намаас гарсан орон нутгийн улстөрчид бах мэлхийд зориулж ган төмөр, бетоноор дөрвөн хонгил барихад зориулж хагас сая евро төсөвлөхөөр болжээ.

“Bild” хэвлэлд мэдээлснээр, эдгээр хонгил нь бах мэлхий болон нуурын тритон гүрвэлийг хамгаалахад тодорхой хувь нэмэр оруулна гэж үзэж байна. 2023 оны эхээр нэг мянга гаруй байсан бах мэлхийн тоо толгой оны сүүл гэхэд 616 болжээ. Олон улсын мэргэжилтнүүдийн дүгнэснээр, уур амьсгалын улмаас мэлхий, бах мэлхий, гүрвэл зэрэг газар уснаа явагчдын тоо толгой буурах шалтгаан болж байна.