2024 оны элсэлтийн ерөнхий шалгалтын бүртгэл эхэллээ

2024 оны элсэлтийн ерөнхий шалгалтын бүртгэл өнөөдөр /2024.02.15/ орон даяар, Улаанбаатар хотын цагаар 09.00 цагт эхэллээ. Бүртгэлийг https://eyesh.eec.mn/ цахим хуудсаар явуулах бөгөөд шалгуулагчид Элсэлтийн ерөнхий шалгалтад бүртгүүлэхдээ зөвхөн өөрийн и-мэйл хаягийг ашиглах юм. 

-Элсэлтийн ерөнхий шалгалтад монгол хэл, англи хэл, орос хэл, математик, физик, хими, биологи, газар зүй, монгол улсын түүх, нийгэм судлал хичээлээс 2-оос багагүйг сонгож бүртгүүлнэ.

-Элсэлтийн ерөнхий шалгалтын бүртгэлийн хугацаанд шалгалт өгөх хичээлээ сонгож төлбөрөө төлсөн байна. Төлбөр төлөгдөөгүй тохиолдолд бүртгэл баталгаажихгүй.

-Хөгжлийн бэрхшээлтэй болон тусгай сургуулийн суралцагчид Элсэлтийн ерөнхий шалгалтад бүртгүүлсэн бол холбогдох бичиг баримт /өргөдөл, эмчийн магадлагаа, сургуулийн тодорхойлолт/-ыг бүртгэлийн хугацаанд БҮТ-д ирүүлнэ.

-Элсэлтийн ерөнхий шалгалтын бүртгэлтэй холбоотой мэдээлэл, жишиг даалгавар, теле хичээлийг БҮТ-ийн цахим зөвлөх help.eec.mn хуудаснаас авах боломжтой.