Гал түймрээс дөрвөн хүүхдийн амь насыг аварчээ

Өнгөрсөн хоногт нийслэлийн хэмжээнд гал түймрийн 16 дуудлага мэдээлэл бүртгэгдэж, алба хаагчид гал түймрийн аюулаас 4 хүүхдийг авран хамгаалж, гал түймэрт өртөж түлэгдсэн 2 иргэнийг эмнэлгийн байгууллагад хүлээлгэн өгсөн байна. Цаг агаарын хүйтрэлттэй холбоотойгоор айл өрхийн галлагаа нэмэгдсэнээр гал түймрийн дуудлага нэмэгдэх хандлагатай байгаа аж.

Иймд гал түймэр, угаарын хийн хордлогоос урьдчилан сэргийлж

- Угаар мэдрэгчийн хэвийн ажиллагааг шалгаж байх

- Яндангийн цонолт, халалтаас хамгаалах

- Пийшин, зуухны яндангийн хамгаалалтыг галд тэсвэртэй материалаар хийж яндангийн цонолт халалтаас хамгаалах

- Яндангийн ил гарсан хэсгийн урт нь гэр, байшингийн дээврээс 60-80см-ээс дээш байгаа эсэхийг шалгах

- Үнс нурмаа ил задгай асгахгүй байх

- Цогтой үнс нурмаа тагтай саванд хийж хэвших

- Гэмтэлтэй цахилгаан хэрэгслийг ашиглахгүй байх

- Ил задгай түлсэн гал, татсан тамхиа бүрэн унтраах;

- Тамхи, чүдэнзний галыг ил задгай хаяхгүй байх;

- Гэрээ хараа хяналтгүй галлаж үлдээхгүй байх

- Цахилгаан халаагуур /тень/-ын аюулгүй байдлыг хангахыг

- Хөгжлийн ялгаатай иргэд, бага насны хүүхэд, өндөр настныг асран хамгаалах хүнтэй үлдээхийг зөвлөж байна.