Цэцэрлэгийн нам даралтын зуух дэлбэрч, нэг иргэн нас баржээ

Баянхонгор аймгийн Баянхонгор сумын "Угалз" дөрөвдүгээр баг 13 дугаар цэцэрлэгийн уурын зуух, нам даралтын зуух дэлбэрч, нэг хүн өртсөн тухай дуудлага хоёрдугаар сарын 29-ний өдрийн 16:03 цагт хүлээн авчээ. Тус аймгийн Онцгой байдлын газрын Гал түймэр унтраах, аврах 16 дугаар ангийн алба хаагчдыг очиход тус цэцэрлэгийн 3х4 метрийн хэмжээтэй 1 давхар тоосгон байшин дотор нам даралтын хийн зуух дэлбэрсний улмаас байшин бүхэлдээ нурж, уурын зуухны ээлжийн галч Н /39 настай, эрэгтэй/ өртөж нас барсан байсан тул цогцсыг Цагдаагийн газрын мөрдөгчид шилжүүлэн өгсөн байна.