15 настай хүүхэд машин жолоодож, гурван настай хүүхдийг мөргөжээ

Цагдаагийн байгууллагад Баянхонгор аймагт гуравдугаар сарын 04-ний өдөр насанд хүрээгүй хүүхэд Б /15 нас/ нь Toyota Prius маркийн автомашиныг жолоодож яваад хөдөлгөөн эхлэх үедээ бага насны хүүхэд О /3 настай /-г мөргөж эрүүл мэндэд нь хохирол учруулсан зам тээврийн осол бүртгэгдэн холбогдох шалгалтыг явуулж байгаа юм байна. 

Тиймээс, иргэд, жолооч нар насанд хүрээгүй хүүхдээр тээврийн хэрэгсэл жолоодуулахгүй байх, бага насны хүүхдийг авто замын орчимд хараа хяналтгүй байлгахгүй, бусдад энэ талаар шаардлага тавьж, сэрэмжлүүлэн хамтарч ажиллахыг Тээврийн цагдаагийн албанаас мэдээллээ.