Автомашины азын дугаарын дуудлага худалдаа болно

Зам, тээврийн хөгжлийн сайдын 2022 оны 07 дугаар сарын 06-ны өдрийн А/207 тоот тушаалаар батлагдсан “Tээврийн хэрэгслийн улсын бүртгэлийн дугаарын дуудлага худалдааг зохион байгуулах журам”-ын хүрээнд тээврийн хэрэгслийн улсын бүртгэлийн дараах дугааруудыг худалдах нээлттэй цахим дуудлага худалдааг зарласан байна. Дуудлага худалдаа гуравдугаар сарын 21-ны өдрөөс дөрөвдүгээр сарын 03-ны өдрийн хооронд явагдана.

1. Дуудлага худалдааны цахим хаяг https://auction.transdep.mn/

2. Дуудлага худалдаанд тавих дэнчингийн хэмжээ

000А, АААА дугаар  - 2,000,000 /хоёр сая төгрөг/;

00А0, 0ААА, А000, 00АА, 0А00 дугаар-500,000 / таван зуун мянган төгрөг/;

00АВ, АВАВ, АВВА, ААВВ, ААА0, АААВ болон бусад 20 дугаар, орон нутгийн дугаар-100,000 / нэг зуун мянган төгрөг /

3. Дуудлага худалдаанд оролцогч тухайн өдрийн дуудлага худалдаанд нэг л удаа  оролцох эрхтэй. 

4. Дуудлага худалдааны бүртгэл оролцогчдыг тухайн оролцож буй дуудлага худалдаа явагдахаас 3 хоногийн өмнөөс эхлэн цахимаар бүртгэн, дэнчинг хүлээн авах бөгөөд дуудлага худалдаа явагдах өдрийн өмнөх өдөрт 23 цаг 00 минутад бүртгэл хаагдана.

/Хугацаа хоцорсон хүсэлтийг хүлээн авах боломжгүйг анхаарна уу/

5. Худалдан авах гэрээний нөхцөл хамгийн өндөр үнэ өгсөн оролцогч нь тухайн дуудлага худалдааны ялагч болох бөгөөд худалдан авсан улсын дугаарын үнийг 24 цагийн дотор төлж, “Улсын бүртгэлийн дугаар олгох гэрээ” байгуулснаар баталгаажна. Ялагч нь хэрвээ заасан хугацаанд төлбөрөө төлөөгүй тохиолдолд дэнчингийн төлбөр буцаан олгогдохгүй. Төлбөрөө бүрэн төлснөөс хойш ажлын 5 өдөрт багтааж өөрийн өмчлөлийн тээврийн хэрэгсэлд дугаараа байршуулах үүрэгтэй.

6. Бусад мэдээлэл, дуудлага худалдаатай холбоотой бусад мэдээллийг дээрх цахим хаягийн асуулт хариулт цэсээс харна уу.

7. Холбогдох утасны дугаар: Лавлах утас 70070030, 1900-1234