ӨНӨӨДӨР | УИХ-ын хаврын чуулган нээлтээ хийнэ

Өнөөдөр болох зарим үйл явлдын мэдээллийг хүргэж байна. /2024.03.15/

-Төрийн ордонд УИХ-ын 2024 оны хаврын ээлжит чуулган нээлтээ хийнэ.

11:00 цагт ҮСХ-ноос Монгол Улсын нийгэм, эдийн засгийн статистик үзүүлэлтийг танилцуулна.

11:00 цагт МҮЭХ-нд Гурил болон зарим өргөн хэрэглээний бараа бүтээгдэхүүний үндэслэлгүй үнийн өсөлт болон эмийн үнэ, чанарын талаар МҮЭХ-ноос санал шаардлага хүргүүлэх хэвлэлийн хурал зарлажээ. Утас: 9936-4224, 9511-5380.

“ЗМ” сонины мэдээллийн төвд:

11:00 цагт Газар тариалан эрхлэгчид болон гурил үйлдвэрлэгчид гурилын татвартай холбоотой асуудлаар мэдээлэл хийнэ.

11:30 цагт “Иргэний Шударга шүүх” ТББ-ын тэргүүн Х.Бат-Ялалт Сүхбаатарын талбайд суулт хийх болсон тухай мэдээлнэ.

17:00 цагт “Блью Мон”- төвд Швейцарын Хөгжлийн агентлагийн дэмжлэгээр уран бүтээлч Э.Сүндэрьяа болон Э.Тайчар нарын "Цагаан уул цэцгийн улс” гэрэл зургийн үзэсгэлэн нээгдэнэ. Үзэсгэлэн Монгол, Швейцарь улсын хооронд дипломат харилцаа тогтоосоны 60 жилийн ойд зориулан, гуравдугаар сарын 15-23-нд гарна.