ЗӨВЛӨГӨӨ I Дунд насны хямралгүй амьдрах 4 арга
Бид нас насанд тодорхой нэгэн үеийг даван туулж, хямрах үе байдаг аж. Тэгвэл +40 насанд гардаг өөрчлөлт, хямралыг эрүүлээр даван туулахад туслах дөрвөн аргыг хүргэе.
Итгэ
Бүх зүйлд итгэх итгэл найдвараа хадгал. Хамгийн гол нь өөдрөг хандлага чухал юм. Өөрийнхөө болон бусдын гэрэл гэгээтэй тал, туршлага, нуугдмал авьяасыг олж харан үүнд анхаарлаа төвлөрүүл. Бүхэлдээ та хорвоогийн гэрэлтэй талыг анзаарч, сүүдэртэйг байгаагаар нь орхих юм. Бас өөртөө итгэ. 40 нас хүрээд хүн өмнөх амьдралдаа үнэлгээ, дүгнэлт хийж эхэлдэг байна. Дунд насны хямралыг даван туулахад өөртөө итгэх итгэлээ л алдаж болохгүй. Шаардлагатай гэж үзвэл та мэргэжлийн хүмүүс, сэтгэл зүйчид хандаж ярилц.
Эвтэй бай
Аливаа бэрхшээл, асуудал тулгарах үед өөртэйгөө болон бусадтай харилцах харилцаагаа эв найртай байлга. Тухайлбал, гаргасан алдаандаа өөрийгөө хэзээ ч бүү буруутга. Өөрийгөө байгаагаар нь хүлээж аван, хайрлах хэрэгтэй шигээ бусдыг ч бас өөрчлөх гэлгүйгээр хайрлаж, хүндлэх нь чухал.
Бие махбодтойгоо ойр бай
Өөрийгөө хайрлаж, эрхлүүлж, бие махбодтойгоо илүү ойр байж, түүнээс ирж байгаа дохиог хүлээж аван, өөрийгөө торд, эмчил. Бодол санаагаа хурцлахын тулд хувь хүний хөгжлийн талаар ном унших, сургалтад суух, бусадтай сэтгэлээ нээж ярилцах зэргийг хийгээрэй.
Хайртай хүмүүсийнхээ дэргэд бай
Юу ч болж байсан өөрийгөө ганцаардуулж, тусгаарлалгүй хайртай хүмүүсийнхээ дэргэд байж, тэдэнд шаардлагатай дэмжлэгийг үзүүл. Тэдний хайр халамж ч таныг услан тордох болно.
Холбоотой мэдээ
Сэтгэгдэл ( 0 )