Г.Занданшатар Өвөрхангайн Гучин-Ус, Богд, Баруунбаян-Улаан сумын сонгогчидтой уулзлаа

Энэ удаагийн сонгууль бүсчилсэн хөгжлийн хүрээнд болж байгаа. 1-р тойрог буюу Хангайн бүсийн гурван аймагт Архангай, Баянхонгор, Өвөрхангай багтаж байгаа. Хангайн бүсийн аймгуудыг хөгжлийн алтан гурвалжин хэмээн нэрлэж байгаа. Учир нь тус гурван аймагт МАА, аялал жуулчлал, тээвэр зэрэг салбарыг хөгжүүлэх бүрэн боломжтой юм.

Тиймдээ ч МАН-ын мөрийн хөтөлбөрт Хангайн бүсэд хэрэгжүүлэх 9 чухал хөтөлбөрийг боловсруулан, нэр дэвшигчид иргэд, сонгогчдод танилцуулж байна. Үүнд:

• Дэлхийн соёлын өв болсон Орхоны хөндийд Монгол Улсын улс төр, эдийн засаг захиргааны шинэ төв Шинэ Хархорум хотыг байгуулна.
• Бүс нутгийн онцлогт тохирсон мал үржүүлэг, үржлийн цөм сүрэг бий болгох бодлого баримтлан, бүсчлэн хөгжүүлнэ.
• Мянганы замын хүрээнд автозамын бүтээн байгуулалтыг хийнэ.
• Орон нутгийн үйлдвэрлэл, үйлчилгээ, худалдаа, бирж, тээвэр логистикийн цогцолборыг кластераар хөгжүүлэхэд тохиромжтой 8 байршлыг гурван аймаг тус бүрд санал болгож, хүсэлт гаргасан хувийн хэвшил, хоршоодыг дэмжинэ.
• Архангай, Баянхонгор, Өвөрхангай аймгийн сумдын онцлогийг харгалзан рашаан сувилал, адалд явдалт, түүх соёлын аялал жуулчлалыг хөгжүүлнэ.
• Орхон-Тамир, Хануй-Хүнүйн дурсгалуудыг түшиглэн, “Төв Азийн түүх соёлын голомт” соёлын аялал жуулчлалын цогцолбор, Өгийнуур орчмын археологийн нөөцөд түшиглэн, аялал жуулчлалын тусгай бүсийг төр хувийн хэвшлийн түншлэлийн хүрээнд байгуулна.
• Баруун босоо төмөр замыг Баянхонгор аймгийн Баянлиг, Шинэжинст, Баянцагаан сумын нутгаар дамжуулан 233 км-ийг барина.
• Архангай, Баянхонгор, Өвөрхангай аймагт Дулааны цахилгаан станц байгуулна.
• Өвөрхангай аймгийн бүсийн оношилгоо, эмчилгээний төвийн төрөлжсөн нарийн мэргэжлийн тусламж үйлчилгээг өргөжүүлэхээр тусгажээ.

Өвөрхангай аймгийн иргэд Хангайн бүсийн хөгжлийг түүчээлэх хүмүүсээр МАН-ын нэр дэвшигчдийг нэрлэж, дэмжихээ илэрхийллээ.