Ж.Энхжаргалан: Стадионы зүүн талд зассан хэсэгт наадамчин олон ам сайтай байна

Тулгар төрийн 2233 жил, Их Монгол Улсын 818 жил, Үндэсний эрх чөлөө, тусгаар тогтнолоо сэргээн мандуулсны 113, Ардын хувьсгалын 103 жилийн ой, Үндэсний их баяр наадмын үйл ажиллагаа энэ удаад шинэ зохион байгуулалт бүхий стадионд үргэлжилж байна.

Стадион буюу "Төв цэнгэлдэх хүрээлэнг"-г шинэчлэх ажлыг хийж хэрэгжүүлсэн “Төв цэнгэлдэх хүрээлэн” ХХК-ийн гүйцэтгэх захирал Ж.Энхжаргалан:

Зүлгэн дээр суугаад хуушуураа идээд хүйтэн айрaгаа уугаад бөхөө том дэлгэцээр үзээд суух чинь жаргал юм. Стадионы зүүн талд зассан хэсэг наадамчин олонд их л ам сайтай байна. Гадны цэнгэлдэхүүд бүгд л орж чадаагүй хүмүүстээ зориулж авто зогсоол дээрээ том дэлгэц засч өгдөг тэр жишгийн дагуу өөрт байгаа хамгийн боломжит талбай дээрээ шууд дамжуулалтын том дэлгэцтэй хэсэг хийж өглөө.

Бага, өсвөр насны хүүхдүүдтэйгээ явж байгаа эцэг эхчүүд манай стадионоос санаачлан хийж байгаа KIDS ZONE-оор зочилж хүүхэд багачуудаа үнэ төлбөргүй тоглуулаарай. Анх удаа Наадмаар хүүхдүүддээ зориулж Playstation хэсэг, тайзны цагийн үзүүдбэрүүд, гулсуур, үлгэрийн баатрууд бэлдэж баярлуулах гэсэн юм аа. Дараа нь мэдээгүй шт ээ гэв ээ. Стадионы зүүн талд Дэрэн Airdome дотор KIDS ZONE ажиллаж байна аав ээж нар зочлоорой.

Иргэд нойлоо анхаарарай гэж маш их захисан. Стадион дээр дотор байгаа болон гадуур алхаж байгаа иргэд 1,7,12,16-р хаалган дээр байгаа том ариун цэврийн өрөөнүүдээр гаднаасаа үйлчлүүлэх боломжтой. Нойл бүр дээр 2 үйлчлэгч ажиллаж байна. Цэвэрлэгээ үйлчилгээг өөрийн биеэр өдөрт хэд хэд явж шалгаж байгаа. Үнэр, гарын саван, цаас, цэвэрлэгээ хэвийн байна. Иргэд бас цэвэрхэн бие засчихвал бүүр гоё боллоо" гэжээ.