Арьс чангалах энгийн дасгалууд

Нүүрний арьс эрт сулрах, давхар эрүүтэй болох зэрэг нь бидний өдөр тутамдаа гаргадаг буруу зуршлуудаас шалтгаалдаг. Тухайлбал, хэвтэж байгаад ном унших, арьсаа буруу арчлах, илүүдэл жинтэй байх, огцом турах гэх мэт... Тэгвэл нүүрний арьсыг чангалах дөрвөн энгийн дасгалыг зааж өгье.

• Толгойгоо хойш нь гэдийлгэн доод уруулаараа дээд уруулаа давуулах маягаар эрүүгээ урагш нь түрнэ. Үүнийг 10-20 удаа давтаарай.

• Амаа жимийн хүзүүнийхээ булчинг чангалаад дараа нь сулла. Мөн 10-20 удаа.

• Толгойгоо зүүн тийш хазайлган зүүн мөрөндөө чихээ хүргэнэ. Баруун гараа баруун чамархай дээрээ тавь. Одоо гараа хөдөлгөлгүйгээр толгойгоороо түрэн баруун мөрлүүгээ хазайна. Толгой баруун мөрөн дээр ирэнгүүт зүүн гараа тавина. Ийм зарчмаар үргэлжлүүлнэ. 5-10 удаа.

• Зүүн хацар дээрээ алгаараа даран толгойгоо баруун тийш эргүүлнэ, дараа нь гараа дарсан чигтээ толгойгоо буцааж эргэ. Гараа солин толгойгоо зүүн тийш нь эргүүлнэ. Зүг бүр лүү 5-10 удаа давтан хийгээрэй.