ӨГЛӨӨНИЙ МЭНД

Өнөөдөр 2024.07.17.

Энэ өдөр Лесотогийн Эзэн хаан Летсие III, Хонконгийн найруулагч Вонг Кар-Вай, Германы канцлер асан Ангела Меркель, Их Британийн хаан Чарльзийн хатан Камилла, Канадын жүжигчин Доналд Сазерлэнд, Нидерландын хөлбөмбөгч Яп Стам зэрэг алдартан мэндэлжээ. 

Энэ өдөр дэлхий дахинд болсон онцлох үйл явдлуудаас дурдвал:

НТӨ 709 оны энэ өдөр Хятадын эрдэмтэн Чу Фу нар хиртэлтийн талаар хамгийн анхны эрдэм шинжилгээний тэмдэглэл бичжээ.

645 оны энэ өдөр Японы хамгийн анхны он тоолол Тайка эхэлжээ.

1453 оны энэ өдөр Францын арми Английн цэргийг ялснаар 100 жилийн дайн төгссөн байна.

1791 оны энэ өдөр Парист болсон Эзэн хаан XVI Людовикийг хаан ширээнээс буухыг шаардсан жагсаалыг цэргүүд гал нээн, тараажээ.

1868 оны энэ өдөр Японы нийслэл Киотогоос Токиод шилжив.

1929 оны энэ өдөр Дорнод Хятадын төмөр замын асуудлаас болж, ЗХУ Хятадтай дипломат харилцаагаа тасаллаа.

1942 оны энэ өдөр Сталинградын тулаан эхэлжээ.

1976 оны энэ өдөр Монреалд XXI Олимпын наадам эхэлсэн байна.

2011 оны энэ өдөр Японы эмэгтэйчүүдийн хөлбөмбөгийн шигшээ баг анх удаагаа дэлхийн аварга болов.

2014 оны энэ өдөр Амстердам - Куала-Лумпур чиглэлд нисэж байсан Боинг 777 онгоц сүйрч, 298 хүн амь насаа алдсан. Ослын шалтгаан одоо ч тодорхойгүй хэвээр.