Ахуйн үйлчилгээнээс "Өргөө" хүртэлх замыг засварлаж байна

Баянгол дүүргийн Ахуйн үйлчилгээний уулзвараас "Өргөө" кино театрын уулзвар хүртэлх авто замын засвар, шинэчлэлтийн ажил үргэлжилж байна. 

Засварын ажил 2024 оны наймдугаар сарын 03-ны өдрийн 23:00 цагаас эхэлсэн ба наймдугаар сарын 06-ны өдрийн 06:00 цагийн хооронд хааж, засварлах ажээ. 

Тус ажлын хүрээнд инженерийн шугам сүлжээний худгийн тагийг асфальтбетон хучилтын түвшинд тааруулах, хашлага солих, тэмдэг тэмдэглэгээний ажил, авто замын зорчих хэсгийн асфальтбетон хучилтын ажил хийгдэж байна. 

Иймд иргэд, жолооч та бүхэн бусад замыг сонгон хөдөлгөөнд оролцоно уу!