СЭРЭМЖЛҮҮЛЭГ | Өнөөдөр зарим нутгаар дуу цахилгаантай бороо орно

Өнөөдөр /2024.08.12/ зарим нутгаар дуу цахилгаантай бороо орно. Эрхэм жолооч, тээвэрчид та бүхэн аюулгүй байдлаа хангаж, замын хөдөлгөөнд оролцоно уу.

2024 оны 08 сарын 12-ны 08:00-20:00 цаг хүртэлх цаг агаарын урьдчилсан мэдээг хүргэж байна. Өнөөдөр Хангай, Хөвсгөлийн уулархаг нутгаар бороо, дуу цахилгаантай аадар бороо орно.  Тодруулбал, нутгийн баруун хагаст үүлшинэ, бусад нутгаар багавтар үүлтэй. Баруун аймгуудын нутгийн зарим газар, төвийн аймгуудын нутгийн баруун хэсгээр бороо, дуу цахилгаантай аадар бороо орно. Салхи  секундэд 5-10 метр, нутгийн зарим газраар борооны өмнө түр зуур ширүүснэ. 

Монгол-Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Халх голын хөндий, Дорнод-Дарьгангийн тал нутгаар +20...+25 градус, Орхон-Сэлэнгийн сав газар болон Алтайн өвөр говиор +31...+36 градус, бусад нутгаар +25...+30 градус дулаан байна.