Нийслэлийн хэмжээнд явган хүний зам тохижуулах ажил 90 хувьтай үргэлжилж байна

Ж.Сондор | Zindaa.mn
2024 оны 08 сарын 21

УБЗАА-наас энэ онд 27,800 м.кв талбайд явган хүний зам тохижуулахаар төлөвлөсөн. Өнөөдрийн байдлаар тус ажил 90 хувьтай үргэлжилж байна. Энэ онд ерөнхий боловсролын сургууль болон цэцэрлэг орчимд явган хүний зам шинээр хийж, иргэдэд ээлтэй хот болгохоор зорьж байгаа юм.

Тухайлбал, СХД-ийн Өнөр хорооллын 107, 110 дугаар цэцэрлэг, 81, 86 дугаар сургууль, БЗД-ийн 44 дүгээр сургууль, Амгалан цогцолбор сургууль орчимд хүүхдийн аюулгүй орчныг бүрдүүлэхээр явган хүний зам хийж байна. Хичээлийн шинэ жил эхлэхээс өмнө явган хүний зам тохижуулах ажлыг бүрэн дуусгахаар төлөвлөсөн.

 

 

Мөн нийслэлийн Засаг даргын захирамжаар төвийн зургаан магистрал зам талбайд явган хүний чулуун зам хийхээр бэлтгэл ажлыг хангаж байна. Эхний дөрвөн багц ажлын нэг багцад гүйцэтгэлийн ажил хийх компани шалгарсан бол үлдсэн гурван багц ажилд худалдан авах ажиллагааг дахин зарласан гэж УБЗАА-ны Дугуйн ба явган хүний зам, тохижилтын хэлтсийн дарга Г.Билгүүн хэллээ.

 

НЗДТГ-ЫН ХЭВЛЭЛ МЭДЭЭЛЭЛ,ОЛОН НИЙТТЭЙ ХАРИЛЦАХ ХЭЛТЭС

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Бадрах (122.201.23.219)  2024 оны 08 сарын 21

Энэ хавийн модыг жил бүр хайчлаад, яргалаад байдгийг болих хэрэгтэй. Том улиасыг жил бүр хэлбэржүүлэх шаардлагагүй биз дээ. Тэгээд бас хэлбэржүүлэх тайралт хийгээд байгаа юмуу гэхээр зэрэгцээ ургаж байгаа зарим модыг нь хэвээр нь орхидогийг ойлгох ухаан хайрла. Ургаж байгаа том улиас модны тэг дундуур нь тайраад байх юм аа

0  |  0
Гаа (59.153.113.182)  2024 оны 08 сарын 21

Дүнжингарав захын урьд талын явган хүний зам ТАМ болсон байна !!!!!!!!!!!!!!

0  |  0
Top