Аюулт үзэгдэл, ослын 56 удаагийн дуудлага бүртгэгджээ

Гамшиг, аюулт үзэгдэл, ослын 56 удаагийн дуудлагаар үүрэг гүйцэтгэж, 15 иргэний амь насыг авран хамгаалав.

Улсын хэмжээнд өнгөрсөн долоо хоногт /2024.09.02-08/  нийслэлийн 6 дүүрэг, 15 аймгийн 21 суманд аюулт үзэгдэл, ослын 56 удаагийн дуудлага бүртгэгдсэн байна.

Дуудлагын дагуу төв, орон нутгийн Онцгой байдлын байгууллагын алба хаагчид үүрэг гүйцэтгэж, 15 иргэний амь насыг авран хамгааллаа. Нийт дуудлагын 45 нь гал түймэр, 11 нь  хүний үйл ажиллагаатай холбоотой осол байна.