АНХААРУУЛГА: Зам, даваанд халтиргаа үүсэх аюултай байна!

Маргааш өдөр Архангайн нутаг, Хэнтийн хойд хэсгээр их хэмжээний нойтон цас орохыг анхааруулж байна.

Өнөөдөр буюу ням гарагт зүүн аймгуудын нутгийн өмнөд хэсгээр, маргааш төв болон говь, зүүн аймгуудын ихэнх нутгаар их хэмжээний бороо, нойтон цас, цас орно.

Эдгээр нутгаар хүйтэрч, салхи шуургатай байх тул зам, даваа гүвээнд халтиргаа гулгаа үүсэх аюултайг холын замд гарч буй жолооч нарт онцгойлон анхааруулж байна.