Г.Батбаяр: Багш ажилчдын нийгмийн баталгааг сайжруулах хөтөлбөр хэрэгжүүлнэ

Нийслэлийн Иргэдийн Төлөөлөгчдийн Хурлын сонгуулийн 6 дугаар тойрог Сонгинохайрхан дүүрэгт Монгол Ардын Намаас нэр дэвшигч Г.Батбаяр “Боловсролын салбарын багш ажилчдыг мэргэшүүлэх, чадавхжуулах, цалин хөлс, нийгмийн баталгааг сайжруулах төсөл хөтөлбөрүүдийг хэрэгжүүлнэ” гэлээ.

Тэрбээр багш, эмч зэрэг төрийн албан хаагчдыг орон сууцжуулахад анхаарч ажиллахаа мэдэгдсэн. 

Г.Батбаяр Сонгинохайрхан дүүргийн сонгогчидтой уулзаж, мөрийн хөтөлбөрөө танилцуулах үеэрээ “Төрийн албан хаагчид, тэр дундаа эмч, багш нарын нийгмийн асуудлуудыг шийдвэрлэх шаардлагатай. Тиймээс багш, эмч зэрэг зорилтот төрийн албан хаагчдыг орон сууцжуулах төсөлд анхааран ажиллана” гэлээ.