Гаднаас нь түгжиж гал тавьсан байж болзошгүй

Наадмын дараахан Чингэлтэй дүүргийн 19 дүгээр хороо, Яргайтын зусланд айлын байшин шатаж гэрийн эзэн, эхнэр хүүхэдтэйгээ угаартаж амиа алдсан хэрэг гарсан билээ. Тэгвэл энэ сарын 14-нд гарсан уг хэргийг санаатайгаар үйлдсэн байж болзошгүй хэмээн үзэж буй. Тодруулбал, гэмт этгээд талийгаачийн байшинг гаднаас нь түгжээд гал тавьсан байж болзошгүй гэнэ. Учир нь галын улмаас амиа алдсан талийгаачдын нэг нь хурууны хээний шинжээч мэргэжилтэй хууль сахиулах байгууллагад ажилладаг эмэгтэй байжээ. Тиймээс уг хэргийг гадны нөлөөтэй байж болзошгүй хэмээн хохирогч эмэгтэйн ар гэрийнхэн үзэж байна. Хэргийг цагдаагийн байгууллага үргэлжлүүлэн шалгаж байгаа аж.

Эх сурвалж: Өглөөний сонин