Сэтгүүлчид байгаль экологийн сэдвээр санал солилцлоо

Монголын сэтгүүлчдийн нэгдсэн эвлэлийн урилгаар Бүгд найрамдах хятад ард улсаас экологийн  5  сэтгүүлч манай оронд ирээд байна. Экологийн гэж тодотгож байгаа шалтгаан нь өдөр ирэх бүр унаган байгалиа алдаж өнгө алдаж байгаа байгалын доройтолтой манай  урд хөршийн сэтгүүлчид үзгээрээ үгээрээ үлгэр жишээ тэмцдэг учраас тэр юм. Хилийн зурвасын наана цаана орших манай хоёр орны хувьд байгаль цаг уурын адил бүсэд оршиж байгаа. Гэтэл хилээр дөнгөж гаруут л  Эрээн хот хэрхэн цөлжилттэй тэмцэж, ногоон орчин бий болгосон байгааг харж болно. Энэ бүгдэд Хятад улсын сэтгүүлчдийн оролцоо хамгийн чухал үүрэг гүйцэтгэсэн гэж хэлж болох юм.  Тэд байгалийн доройтолд хүний буруутай үйл ажиллагаа хэрхэн нөлөөлж байгааг үзгийн хурц үгийн урнаар гаргаж илчлээгүй бол нүдэнд харагдахуйц эерэг  өөрчлөлт бий болохгүй байсан гэж хоёр орны сэтгүүлчид  цөлжилттэй тэмцэхэд хэвлэл мэдээлэл, сэтгүүлчдийн оролцоо сэдэвт форумынхаа үеэр санал солилцлоо. Дэлхийн улс орнуудад, тэр дундаа манай урд хөршид экологийн сэтгүүлзүй хурдацтай хөгжиж, үүнийхээ хэрээр үр өгөөжөө өгөөд эхэлжээ. Манай орны хувьд ч хөвсгөл далай ээжээ аюулын харангаас аварсан далай ээж минь цаазын тавцанд, эх орны ногоон хэрэм сэглэгдэж байна гэх мэт асуудал дэвшүүлсэн нийтлэлүүд гарч, гарсан даруйдаа экологийн сэтгүүл зүйн үүргийг гүйцэтгэсэн. Гэсэн ч сүүлийн үед үүнтэй адил бүтээлүүд төрөхгүй байгааг сэтгүүл зүй судлаачид хэлж байна. Монголын сэтгүүлчдийн нэгдсэн эвлэл Бүгд найрамдах Хятад ард улсын сэтгүүл зүйн байгууллагатай хамтран анх удаагаа манай оронд хоёр орны сэтгүүлчдийн уулзалт форум зохион байгуулж байна. цаашид энэ харилцаа улам өргөжнө гэдгийг зохион байгуулагчид хэлж байлаа. Үүний тод жишээ болгож манай улсаас сэтгүүлчдийн төлөөлөл ч үүний дараа өмнөд хөршийд нийслэл Бээжин хотод сэтгүүлчдийн уулзалт зөвлөгөөнд оролцох юм байна.

А.Туяа

Zindaa.mn- Үндсэний чөлөөт мэдээллийн портал