Халтиргаанаас урьдчилан сэргийлж, 66.2 тонн давс, 68 тонн бодис цацжээ
2024 оны 11 дүгээр сарын 24-ний өдрийн 12:00 цагийн байдлаар Улаанбаатар хотын хэмжээнд нийтийн эзэмшлийн зам талбайг 32 байгууллагын 600 орчим зам талбайн үйлчлэгч, 80 орчим тусгай зориулалтын техник хэрэгсэлтэйгээр цэвэрлэж байна.
Мөн халтиргаа гулгаанаас урьдчилан сэргийлж, 66.2 тонн давс, 68 тонн бодис цацаад байна.
Нийслэлийн 2024-2025 оны өвөлжилтийн бэлтгэл ажлын хүрээнд цэвэр, бохир ус, цахилгаан, дулаан хангамж болон бусад шаардлагатай гэсэн нийт 654 төсөл, арга хэмжээг хэрэгжүүлээд байна. Өнөөдрийн байдлаар өвөлжилтийн бэлтгэл ажил 98.5 хувийн гүйцэтгэлтэй байна.
Түүнчлэн Улаанбаатар хотын хэмжээнд 6100 тонн давс, 4405 тонн бодис нөөцөлсөн. Мөн нийт долоон дүүргийн 43 агуулахад 82,500 тонн сайжруулсан шахмал түлшийг бэлтгэж, гурван маршрутаар 27 аж ахуйн нэгж байгууллага түгээлт хийж байгаа бөгөөд шахмал түлш борлуулах 545 цэг ажиллаж байгаа юм.
Холбоотой мэдээ
Сэтгэгдэл ( 0 )