АНУ-ын Үндэсний аюулгүй байдлын зөвлөлийн хуучин ажилтныг Украины олигархуудаас цалинждаг гэж мэдэгджээ

2019 онд АНУ-ын ерөнхийлөгч байсан Дональд Трампад итгэл үл үзүүлэх тухай хэрэгт гэрчээр оролцож байсан тус улсын Үндэсний аюулгүй байдлын зөвлөлийн ажилтан асан Александр Виндман Украины олигархуудаас цалин авдаг бөгөөд эх орноосоо урвах гэмт хэрэг үйлдсэн тул зохих шийтгэлээ хүлээх болно гэж Америкийн бизнес эрхлэгч тэрбумтан Илон Маск Х (Twitter) хуудсаараа дамжуулан мэдэгджээ.

Александр Виндман телевизийн MSNBC сувагт ярилцлага өгөхдөө Орос Улс АНУ-д нөлөөлөхийн тулд Илон Маскийг ашигладаг хэмээн буруутгасны хариуд Америкийн тэрбумтан дээрх мэдэгдлийг хйисэн байна. Дональд Трамп сонгуульд ялбал өөртэй нь дайсагнагч этгээдүүдтэй тооцоо бодох боломжтой болно Америкийн хэвлэл мэдээллийн хэрэгслүүд нэг бус удаа бичиж байсан юм. Дахин сонгогдсоныхоо дараа өшөө авахаар төлөвлөсөн хүмүүсийн нэрсийн жагсаалт хүртэл Трампад байгаа гэж Politico сонин мэдээлж байжээ.

Илон Маск Оросын талтай, түүний дотор ОХУ-ын Ерөнхийлөгч Владимир Путинтэй тогтмол харилцаа холбоотой байдаг гэж The Wall Street Journal сонин арваннэгдүгээр сард бас мэдээлсэн байна. ОХУ-ын Ерөнхийлөгч Владимир Путин 2022 оноос өмнө ганц удаа ярилцсанаас өөрөөр Илон Масктай огт харьцаж байгаагүй гэж Оросын төрийн тэргүүний хэвлэлийн төлөөлөгч Дмитрий Песков мэдэгджээ.