ӨГЛӨӨНИЙ МЭНД

Өнөөдөр 2024.12.17. Энэ оны 352 дахь өдөр бөгөөд он дуусахад 14 хоног үлдэж байна. Монгол эх оронд маань нар 08 цаг 37 минутад мандаж, 17 цаг 00 минутад жаргана.

Улаанбаатарт үүлэрхэг. Өдөртөө 9 хэм, шөнөдөө 21 хэм хүйтэн байна. Та хувцсаа тохируулж өмсөөд гараарай.

Өнөөдөр Биеэ үнэлэгчдийн эсрэг хүчирхийллийг таслан зогсоох олон улсын өдөр. Дэлхийн улс орнуудаас өнөөдөр Курдистанд Төрийн далбааны өдөр, Бутанд Үндэсний баярын өдөр, АНУ-д Пан Америкийн нисэхийн өдөр, Беларуст Беларусын киноны өдөр.

Энэ өдөр Ромын 266 дахь пап лам Франциск, Английн зохиолч Жаклин Уилсон, Их Британийн дуучин Пол Рожерс, Америкийн жүжигчин Сара Полсон, Милла Йовович, Оросын фото модель, дуучин, жүжигчин Оксана Фёдорова зэрэг алдартан төрсөн өдрөө тэмдэглэж байна.

Энэ өдөр дэлхий дахинд болсон онцлох үйл явдлууд:
 

1892 онд Нью Йорк хотноо “Vogue” сэтгүүлийн анхны дугаар хэвлэгдэн гарчээ.

1926 оны энэ өдөр Бүх холбоот улсын хүн амын анхны тооллого болжээ.

1941 оны энэ өдөр Сирт буланд анхны тулаан болов.

1989 оны энэ өдөр АНУ-ын “FOX” сувгаар анхны хүүхэлдэйн цуврал болох “Симпсоныхон” гарчээ.

1998 оны энэ өдөр АНУ болон Их Британи Иракийн эсрэг “Цөлийн үнэг” цэргийн ажиллагааг эхлэв.

2014 онд АНУ, Куба хоёр дипломат харилцаагаа сэргээжээ.

Билгийн тооллын 17. Тухайн өдөр хонь, гахай жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, угаал үйлдэх, мал аж ахуйн үйл, удирдлагын суудалд суух, хийморийн дарцаг хатгахад сайн. Газар хагалах, ус булгийн эх малтах, уул овоо тахихад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод урагш мөрөө гаргавал зохистой.

Өнөөдөр үс засуулбал өнгө зүс доройтно. Өнөөдрийн ажилд тань амжилт хүсье!