Улаанбаатар хотын камерын хяналтад АI технологи нэвтрүүллээ

2025 оны 02 сарын 04

Ерөнхий сайдын дэргэдэх Шуурхай штабын ээлжит IV хуралдаан өнгөрсөн  бямба гарагт  боллоо. Ерөнхий сайд Л.Оюун-Эрдэнэ болон УИХ, Засгийн газрын гишүүд, нийслэлийн болон агентлагийн удирдлагууд, дотоод, гадаадын мэргэжлийн байгууллагын төлөөлөл, эрдэмтэн, судлаач нар өнөөдрийн хуралдаанд оролцов.

Улаанбаатар хотын 2030 оны ерөнхий төлөвлөгөөний талаар, нийслэлийн эрчим хүчний дутагдлыг шийдвэрлэх шийдэл, Хүннү смарт хотын төлөвлөлт, бүтээн байгуулалт, бүсчлэл, тээвэр ложистик, дэд бүтцийн төслүүдийн хэрэгжилтийн явц, нийслэлийн гэр хорооллын халаалтыг сэргээгдэх эрчим хүчээр хангах, хүлэмжийн хийг бууруулах загвар төслийн технологийн шийдлийн танилцуулга, штабын өмнөх хуралдаануудын үүрэг, даалгаврын биелэлт болон цаг үеийн бусад асуудлыг өнөөдөр хэлэлцлээ.

Багахангай-Хөшигийн хөндий-Шувуун фабрик чиглэлийн салбар төмөр замын төслийн талаар ЗТХ-ийн сайд Б.Дэлгэрсайхан танилцуулав. 102.5 км гол замын урттай уг бүтээн байгуулалтыг “Монголын төмөр зам”, “Тавантолгой төмөр зам” ТӨХК-ийн санхүүжилтээр хэрэгжүүлэх бөгөөд бүтээн байгуулалтад 110 орчим аж ахуйн нэгж, 2500 ажилтан оролцож, ирэх гуравдугаар сараас эхлүүлж таван сарын хугацаанд гүйцэтгэх аж. Уг төмөр замыг байгуулснаар Хөшигийн хөндийг түшиглэж байгуулах 150 мянган хүнтэй Хүннү смарт хотын дэд бүтцийг бий болгох, Улаанбаатар хотын төвлөрлийг бууруулах, ачаа тээврийн төв байгуулах зэрэг олон талын ач холбогдолтой учир Засгийн газрын хуралдаанаар хэлэлцэж шийдвэрлэхээр тогтлоо.

Нийслэлийн Засаг дарга асан Э.Бат-Үүл салбар төмөр замын энэ төслийг зайлшгүй шаардлагатай, маш чухал бүтээн байгуулалт учраас дэмжиж буйгаа илэрхийлээд ирээдүйд олох үр өгөөж ихтэй, эдийн засгийг тэлж, ажлын байр олноор бий болох учраас Хөшигийн хөндийг хуурай газрын боомт хот болгож өргөжүүлэх нь чухал гэдгийг онцлов.

Улаанбаатар хотын төвөөс томоохон зах, худалдааны төвүүдийг үе шаттай нүүлгэн шилжүүлэх байршлын хувилбарууд болон холбогдох саналтай штабын гишүүд танилцлаа. Мэргэжлийн хүмүүсээ сайн сонсож, хувийн хэвшлээ хүчлэхгүйгээр, нүүлгэн шилжүүлэх газрынхаа дэд бүтцийг бүрэн шийдэж, тохижилт, дэд бүтцийн орчныг нь бүрдүүлж байж нүүлгэх ёстой гэдгийг Ерөнхий сайд анхааруулав.

Улаанбаатар хотод теле хяналтын камерын нэгдсэн төвийг байгуулж, есөн дүүрэгт камерын дэд төвүүдийг байгуулж, 176 уулзвар, гарц, 3000 гаруй авто замуудад нийт 2606 камерыг суурилуулж, ашиглалтад оруулсан байна. Ингэснээр өдөрт нэг сая, сард 30 сая зөрчил илрүүлж, баталгаажуулах техникийн боломжийг бүрдүүлжээ. Улаанбаатар хотыг бүрэн камержуулах технологийн шийдлийг хэрэгжүүлэхийг Шуурхай штабын анхны хуралдаанаас үүрэг болгосон юм. Үүнийг шийдвэрлэхэд AI технологийн шийдлийг ашиглаж, цагдаа, онцгой, тагнуул зэрэг хууль хяналтын бүх байгууллагатай холбож дуусжээ. Замын хөдөлгөөний зөрчлийг хяналтын камераар баримтжуулж торгууль ногдуулах хугацааг 2026 оны нэгдүгээр сарын 01-ний өдрөөс тооцож эхлэхээр төлөвлөж байна. Мөн Улаанбаатар хотын нийтийн тээвэр цахим системд бүрэн шилжиж, зорчигч тоолох системийг нэвтрүүлснээр төлбөрийн карт уншуулсан тоотой тулгах боломжтой болсон байна. Ингэснээр Улаанбаатар хот камерын хяналтын системд АI технологиор бүрэн шилжиж, нийтийн тээврийн цахим шилжилтийг хийж дууссаныг Нийслэлийн Засаг дарга Х.Нямбаатар танилцууллаа.

Нийслэлийн эрчим хүчний чадлын дутагдал, тулгамдсан асуудлын талаар Эрчим хүчний яамнаас танилцуулав. Төвийн бүсийн эрчим хүчний хэрэглээний 90 хувийг нийслэлчүүд хэрэглэдэг, мөн цахилгааны өртөг, үнэ тарифын асуудал зэрэг олон хүчин зүйлээс болж чадлын дутагдалд орж байгаа аж. Тиймээс цаашид сэргээгдэх эрчим хүчний эх үүсвэрийг нэмэгдүүлэх, дамжуулах шугам сүлжээг өргөтгөх, 2025-2026 онд Богд, Дамбаржаа, Сонгино, 1-р хороолол зэрэг хэд хэдэн дэд станцыг шинээр байгуулна. 2029-2032 онд шинээр ашиглалтад оруулах дэд станц, агаарын шугамын хэд хэдэн төслийг хэрэгжүүлнэ. Өнөөдөр Улаанбаатар хотын хэмжээнд 1000 МВт эрчим хүч хэрэглэж байгаа бол 2035 он гэхэд одоогийн хэрэглээ гурав дахин өснө. Тэгэхээр 2035 он хүртэл нийслэлийн эрчим хүчний хэрэглээг хангахын тулд зөвхөн шугам сүлжээг нэмэгдүүлэхэд зориулж хоёр тэрбум ам.доллар шаардлагатай. Эрчим хүчний эх үүсвэрээс гадна түгээлт, дамжуулах дэд бүтцээ энэ хэмжээний хөрөнгө оруулалтаар давхар шийдэхээр төлөвлөсөн байна.

Улаанбаатар хотын 2030 оны ерөнхий төлөвлөгөөнд дүгнэлт хийж, 2040 оны ерөнхий төлөвлөгөөг боловсруулахдаа утаа, түгжрэл зэрэг өнөөдөр үүссэн асуудал бүрийг цогцоор нь тусгаж, суурь судалгаанд үндэслэж өнөөгийн хүндрэлийг шийдэх, яам агентлагууд, төрийн бусад байгууллагууд, нийслэлтэй бодлогоо уялдуулж, өмнөх 30 жилд гаргасан алдааг дахиж давтахгүй байхад анхаарах ёстой гэдэгт штабын гишүүд санал нэгдлээ.

Улаанбаатар хотын хөгжлийг уртаар төлөвлөхдөө Шуурхай штаб дээр яригдсан асуудал бүрийн уялдааг салбар бүрд хангаж, хамгийн гол нь олон нийт, хувийн хэвшил, иргэний нийгмийн байгууллагуудаа оролцуулж чадвал хамгийн сайн төлөвлөгөө болдог олон улсын жишигтэй. Үүнийг заавал харгалзаж шийдвэр гаргах ёстойг Ерөнхий сайд Л.Оюун-Эрдэнэ чухалчлав. Олон улсын дүрмийн дагуу сонгон шалгаруулалтаа зарлаж, шинжээчдийн санал, дүгнэлтэд тулгуурлаж Улаанбаатар хотыг 2040 он хүртэл хөгжүүлэх төлөвлөгөөг боловсруулж байгаа гэдгийг нийслэлийн удирдлагууд хэлж байв.Шуурхай штабын дөрвөн удаагийн хурлаас гаргасан шийдлүүд, Засгийн газрын хуралдаанаар хэлэлцүүлж шийдвэрлэсэн асуудал бүрийн мониторингийг дараагийн хурлаар хэлэлцүүлэх, санхүү, хөрөнгө оруулалт, хууль эрх зүйн орчны зохицуулалтыг тодорхой болгохыг Ерөнхий сайд холбогдох сайд, дарга нарт үүрэг болгов.

 

Сэтгэгдэл ( 5 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
DR. ADITYA(197.211.63.32) 2025 оны 02 сарын 05

Бид олон нийтэд мэдээлэхийг хүсч байна; Та бөөрийг худалдахыг хүсч байна уу? Та санхүүгийн хямралын улмаас бөөрийг зарж борлуулах боломжийг эрэлхийлж байна уу, юу хийхээ мэдэхгүй байна уу? Дараа нь бидэнтэй холбоо бариад DR.PRADHAN.UROLOGIST.LT.COL@GMAIL.COM хаягаар бид танд бөөрнийх нь хэмжээгээр санал болгох болно. Яагаад гэвэл манай эмнэлэгт бөөрний дутагдалд орж, 91424323800802. имэйл: DR.PRADHAN.UROLOGIST.LT.COL@GMAIL.COM Yнэ: $780, 000 (Долоон зуун, Наян мянган доллар) APPLY TO SELL YOUR KIDNEY FOR MONEY NOW $ 780,000.00

0  |  0
DR. ADITYA(197.211.63.32) 2025 оны 02 сарын 05

Бид олон нийтэд мэдээлэхийг хүсч байна; Та бөөрийг худалдахыг хүсч байна уу? Та санхүүгийн хямралын улмаас бөөрийг зарж борлуулах боломжийг эрэлхийлж байна уу, юу хийхээ мэдэхгүй байна уу? Дараа нь бидэнтэй холбоо бариад DR.PRADHAN.UROLOGIST.LT.COL@GMAIL.COM хаягаар бид танд бөөрнийх нь хэмжээгээр санал болгох болно. Яагаад гэвэл манай эмнэлэгт бөөрний дутагдалд орж, 91424323800802. имэйл: DR.PRADHAN.UROLOGIST.LT.COL@GMAIL.COM Yнэ: $780, 000 (Долоон зуун, Наян мянган доллар) APPLY TO SELL YOUR KIDNEY FOR MONEY NOW $ 780,000.00

0  |  0
DR. ADITYA(197.211.63.32) 2025 оны 02 сарын 05

Бид олон нийтэд мэдээлэхийг хүсч байна; Та бөөрийг худалдахыг хүсч байна уу? Та санхүүгийн хямралын улмаас бөөрийг зарж борлуулах боломжийг эрэлхийлж байна уу, юу хийхээ мэдэхгүй байна уу? Дараа нь бидэнтэй холбоо бариад DR.PRADHAN.UROLOGIST.LT.COL@GMAIL.COM хаягаар бид танд бөөрнийх нь хэмжээгээр санал болгох болно. Яагаад гэвэл манай эмнэлэгт бөөрний дутагдалд орж, 91424323800802. имэйл: DR.PRADHAN.UROLOGIST.LT.COL@GMAIL.COM Yнэ: $780, 000 (Долоон зуун, Наян мянган доллар) APPLY TO SELL YOUR KIDNEY FOR MONEY NOW $ 780,000.00

0  |  0
ЗӨВЛӨХ ИНЖЕНЕР Б.Лх(60.34.125.198) 2025 оны 02 сарын 04

ДООРХИ 60.34.125.198-д НЭМЭВ: ЕР НЬ”БОГДХАН”ТӨМӨР ЗАМЫГ АЛЬ БОЛОХ ТУННЕЛГҮЙ,БАРИХАД Ч АШИГЛАХАД Ч ЗАРДАЛ БАГА БАЙХЫГ ХИЧЭЭХ ХЭРЭГТЭЙ.2-р ХУВИЛБАРААР ЭМЭЭЛТЭЭС УРУУДАН АВТО ЗАМ ДЭЭГҮҮР ГҮҮРЭЭР ГАРЧ БАРУУН ЭРГЭЖ”ХЭРЛЭН БАЙДРАГ”ХХК-ийн УРДУУР ”СОНГИНОХАЙРХАН”УУЛЫН АР,ХӨНДИЙГЭЭР ЗУВЧУУЛАН УРУУДУУЛЖ ХЭВГИЙГ ЗӨӨЛРҮҮЛЭН ШФ ӨРТӨӨНД НИЙЛЭХЭЭР БАЙЖ БОЛНО.ШФ ӨРТӨӨ НЬ ТУУЛ ГОЛЫНХ ЗҮҮН ТАЛД УУЛЫН ХОРМОЙД БАЙРЛАНА.ЭМЭЭЛТ ӨРТӨӨ 1575м АШИГТ УРТТАЙ Х/Я 3 ЗАМТАЙ БА НЭМЖ 4 ЗАМ/1-ийг ПЕРРОН ХУУЛЖ, 3-ийг БАРУУН ТАЛД/БАРИНА.ҮҮНИЙ ЗАХЫН ЗАМЫГ ОДОО БУЙ”ОДИЯНА ОЧИР”ХХК-ын ЗАМЫГ ЗӨӨЖ БАРИНА.

0  |  0
ТЗ-ын Зөвлөх инженер(60.34.125.198) 2025 оны 02 сарын 04

ТЭЗҮ-Д ХУВИЛБАРЫГ АВЧ ҮЗЭХ:1.БАГАХАНГАЙ/БХ/-ХӨШИГИЙН ХӨНДИЙ/ХХ/-ШУВУУН ФАБРИК/ШФ/-СОНГИНО-СОНСГОЛОН-ТОЛГОЙТ 2.1дэхь ХУВИЛБАРТ ЭМЭЭЛТ-ШФ БАЙЖ БОЛНО. ЭМЭЭЛТЭЭС”Аж үйлдвэрийн фабрик”БАРИХ ХӨНДИЙН АРААР ЗУВЧУУЛАН ЗАМЫГ УРТАСГАЖ ХЭВГИЙГ ЗӨӨЛРҮҮЛНЭ 3.ДЭЭРХИ 1,2-ын ЭХЭЭС- ШФ-ХХ-СЭРГЭЛЭН-ӨӨД ӨГСӨН-ЭРГЭЖ ХООЛТ УУЛЫН ӨВРӨӨР ЗУВЧУУЛЖ ТУННЕЛЬГҮЙ ДАВЖ УРУУДАН БХ-тай НИЙЛНЭ 4.ХУВ1.2,3-аар ЯВЖ ХООЛТ ӨРТӨӨНД НИЙЛНЭ.ЭНД ХООЛТЫН ЗАМЫГ 5-аар НЭМНЭ/ӨРТӨӨ,СУУЦНЫ БАРИЛГА ГАЗАРТ ОРНО/.1-4 ХУВИЛБАРТ СОНГИНО-СОНСГОЛОНГИЙН 13км ЗАМД ИХ ЗАСВАР ХИЙЖ ШФ-тай ХОЛБОНО.СОНСГОЛОНД ШУНХЛАЙН АРД ГУРВАЛЖИНГААР ТОЛГОЙТРУУ ХОЛБОНО

0  |  0
Top