ЦАГ АГААР | Улаанбаатарт цас орж, цасан шуурга шуурна

ЦУОШГ-аас ирүүлсэн мэдээгээр энэ сарын 5,6-нд Улаанбаатар хотод цас орж, цасан шуурга шуурна. Бусад хугацаанд цас орохгүй. Ихэнх хугацаанд салхи секундэд 5-10 метр, 5,6-нд баруун өмнөөс баруун хойш эргэж секундэд 12-14 метр хүрч ширүүснэ.

Иймд:

• Цаг агаарын мэдээ, мэдээллийг цаг тухай бүр хүлээн авах,
• Мэргэжлийн байгууллагаас өгч байгаа сэрэмжлүүлэг, анхааруулгыг дагах,
• Онцын шаардлагагүй бол хол, ойрын замд гарахгүй байх,
• Тээврийн хэрэгслийн найдвартай байдлыг хангаж бензин, шатахууны нөөцтэй, дулаан хувцастай зорчих, баталгаагүй зам, гүүр, гарамгүй газраар зорчихгүй байх,
• Иргэд, малчид салхи шуурганд төөрөх, малтайгаа уруудах эрсдэлээс урьдчилан сэргийлж, малаа ойрын бэлчээрт хариулах, бага насны хүүхдийг малд явуулахгүй байхыг онцгойлон анхааруулж байна.