УМБГ-ын хэлтсийн дарга нарыг шинээр томиллоо

УМБГ-ын даргын тушаалаар тус газар бүтцийн өөрчлөлт хийж хэлтэс, албаны дарга нарыг шинээр томилжээ. Тус газрын даргын тушаалаар Онц хүнд зохион байгуулалттай гэмт хэрэг мөрдөх хэлтсийн даргаар дэд хурандаа Д.Отгонжаргал, Хар тамхи болон хүн худалдаалах гэмт хэргийг мөрдөх тасгийн даргаар хошууч Д.Дагвасүрэн, Эрэн сурвалжлах хулгайлах гэмт хэрэг мөрдөх хэлтсийн даргаар дэд хурандаа П.Батбаатар, Хүнд гэмт хэрэг мөрдөх хэлтсийн даргаар дэд хурандаа Э.Идэрцог нарыг тус тус томилох шийдвэр гаргасан байна. Мөн Байгаль хамгаалах журмын эсрэг гэмт хэрэг мөрдөх хэлтсийн дэд даргаар хошууч Б.Цоодол, ЗЦГ-ын Эрүүгийн хэрэг бүртгэх, мөрдөн байцаах хэлтсийн даргаар дэд хурандаа С.Мөнхтамга нар ажиллахаар боллоо.

Эх сурвалж: Өглөөний сонин