Үер усны аюулаас болгоомжлохыг сэрэмжлүүлж байна

Ус цаг уурын хүрээлэнгээс дараах сэрэмжлүүлгийг өгч байна. Орхон голын эхээр усны түвшин үерийн аюултай түвшинг 55 см, Хангай нуруунаас эхтэй Хойд Тамир, Таац Байдраг, Шаргалжуут, Хэнтийн нуруунаас усжих Хэрлэн голын эхээр голын усны түвшин өмнөх өдрийнхөөс 5-25 см-ээр нэмэгдэж, үерийн түвшинг 10-15 см даван хүчтэй үерлэж байна. Иймд дээрх голын сав газар болон гуу жалга даган суурьшиж буй зуслан, аж ахуйн нэгж, аялж зугаалж, амарч буй ард иргэдийг үер усны аюулаас болгоомжлохыг сэрэмжлүүлж байна.

Эх сурвалж: Өдрийн шуудан сонин