ХӨСҮТ | Улаанбурхан өвчний 33 ШИНЭ ТОХИОЛДОЛ батлагджээ

Халдварт өвчин судлалын үндэсний төвөөс гаргасан мэдээллээр, 2026 оны тавдугаар сарын 05-ний байдлаар улаанбурхан өвчний батлагдсан тохиолдол 33 нэмэгджээ. Тодруулбал, нийслэл Улаанбаатар хотод 25, орон нутагт 8 тохиолдол шинээр бүртгэгджээ. Эмнэлэгт 60 хүн хэвтэн эмчлүүлж байгаа. Харин гэрийн хяналтад 31 хүн байгаа юм байна.

Насны бүлгээр өвчлөл хамгийн өндөр байгаа нь 10-14 насны хүүхдүүд бөгөөд тэдний өвчлөл 5302 хүрсэн байна. Мөн 0-4 насны 3741, 5-9 насны 1908 хүүхэд, 15-19 насны 1812 хүүхэд улаанбурханаар өвджээ.

Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин юм. Улаанбурхан өвчний эсрэг вакцинд хамрагдсан тухай мэдээллээ өрх, сумын эрүүл мэндийн төвдөө очин цахим бүртгэлийн програмд бүртгүүлээрэй. Хэрвээ улаанбурханы эсрэг вакцинд хамрагдаагүй хоцорсон бол хамрагдан өөрийгөө болон бусдыг улаанбурхан өвчнөөс хамгаалаарай.

Эрүүл мэндийнхээ төлөө иргэн бүр хариуцлагатай байж, халдвараас сэргийлцгээе