Таксины шинэ зогсоол барьж байна

Нийтийн тээврийн газар, Авто замын газар хамтран зургаан дүүргийн арван байршилд таксины зогсоол барих ажил эхлүүлжээ.

Энэ хүрээнд Сансарын тунелийн хажууд, I хорооллын XVI байрны урд, X хорооллын Дүүхээ төвийн урд, 120 мянгат, Барилгачдын талбайн урд хэсэг, Бөмбөгөр худалдааны төвийн урд зэрэг нийт арван газар нэг эгнээ таксины зогсоол барих аж.

Одоогоор X хорооллын Дүүхээ төвийн урд хэсгийн таксины зогсоол барих ажил 60 хувьтай байгаа бол Барилгачдын талбай, Бөмбөгөр худалдааны төвийн урд хэсгийн таксины зогсоолыг удахгүй ашиглалтад өгөх аж.

Нийтийн тээврийн газраас уг таксины зогсоолуудыг энэ сарын 10-нд барьж дуусгахаар төлөвлөжээ.

Эх сурвалж: Улс төрийн тойм