Яруу найрагч Б.Ичинхорлоо нутагтаа мисс болжээ

Миний Монголын тэнгэрийг эсгэх гэж
Бусдын од харвадаггүй
Миний Монголын тэнгэрт эрхлэх гэж
Бусдын од шохоорхдог юм

Миний монголын тэнгэрт өдөлсөн шувуу
Бусдын тэнгэрт өдөө цацдаггүй
Миний монголын тэнгэрт өссөн бүргэд
Будант газар ясаа тавьдаггүй хэмээн улаан хацартай хөдөөний охин Болор цомын тайзан дээр шүлгээ уншиж байснаас хойш хориод жил өнгөрчээ.   Мэдээж энэ бол Өвөрхангай аймгийн харьяат МЗЭ –ийн шагналт яруу найрагч Б.Ичинхорлоо. Тэрээр  АНУ-д ажиллаж амьдарч байгаад  эх орондоо ирээд удаагүй байгаа.  Саяхан болж өнгөрсөн Өвөрхангай аймгийн 80 жилийн хүндэтгэлийн ойн арга хэмжээг найрагч бүсгүй хөтөлжээ.  Өдгөө дөрвөн хүүхдийн эх болж дөч насыг шүргэж байгаа ч эгээ л загвар өмсөгч шиг өнгө өнгийн дээл сольж гоён гунхалзахыг харсан нутгийн залуучуудын нүд наадам бус Ичинхорлоог ширтэж өнжсөн гэх. Хаа газрын бүсгүйчүүд л болсон хойно “Хүн хэтэрхий туранхай муухай юм. Арьс нь унжаад”  гэхэд харин залуус нь хот газрын бүсгүйчүүд эгээ л хурдны морь шиг хоол ундаа сойдог гэнэ лээ  хэмээн хажуудаа дагуулж яваа бүсгүйгээ найрагч Ичинхорлоотой харьцуулсан нэгэн ч байсан сурагтай.  Юутай ч уянгалаг сайхан шүлгээрээ найргийн номоо чимдэг Ичинхорлоо дөч шүргэх насандаа уран гоолиг биеэрээ аймгийнхаа наадмыг чимжээ.

Б.Эрдэнэ.

Zindaa.mn-Үндэсний чөлөөт мэдээллийн портал