Хот хоорондын хооронд онлайн бичилт хийж үйлчилнэ

Тээврийн хэрэгслийн оношлогоо, хяналт зохицуулалтын алба нь хот хоорондын тээвэрлэлтийг 20 аймгийн алслагдсан 3-н дүүрэг 32 сум, 65 чиглэлд 45 аж ахуйн нэгж байгууллагын 928 тээврийн хэрэгсэлээр өдөр бүр тээвэрлэлт гүйцэтгүүлж, зохицуулан, зохион байгуулж байна.

Оюутан сурагчдын амралт, аймгуудийн ойн арга хэмжээ баяр наадам их болж байгаатай холбогдуулж Улаанбаатар хотоос - хөдөө орон нутаг, хөдөө орон нутгаас – Улаанбаатар хотын чиглэлд зорчигч урсгал өмнөх оны мөн үеийнхтэй  судалгаагаар харьцуулахад  1 дахин ихэссэнтэй холбогдуулж нэмэгдэл тээврийн хэрэгсэлийг өдөр бүр цаг тутамд гаргаж байна.

Нэмэгдэл тээврийн хэрэгсэл гаргасантай холбогдуулж ямар нэгэн чиглэлд үнэ тарифт өөрчлөлт ороогүй байна.

Сонгино хайрхан, Баянзүрх автовокзалуудын ачаалал маш их ихсэж байгаатай холбогдуулж ачаалалыг багасгах зорилгоор шинэ техник технологи нэвтрүүлсэнтэй холбогдуулж “Онлайн билет” бичилтийг Сонгино хайрхан автовокзал, Баянзүрх автовокзалуудаас бүх чиглэлд, урьдчилгаа 20 хоногийн билет бичилтийг хийж байна.

Энэ билет бичилт хийгдсэнээр та заавал Сонгино хайрхан автовокзал, Баянзүрх автовокзал орох шаардлагагүй бөгөөд та өөрийн хамгийн ойрын цэгээс иргэд хөдөлмөрчдийн цаг зав, мөнгө хэмнэх ач тустай ажил юм.

Та холын аймгийн билет бичилтийг 20 хоногийн өмнөөс аль ч салбараас билетээ бичүүлж болно.

Анхааруулга:

Орон нутгаар зорчихаар бол зорчигч та албан ёсны зөвшөөрөлтэй болон стандартын шаардлага хангасан тээврийн хэрэгсэлээр зорчихыг анхааруулж байна.

ТЭЭВРИЙН ХЭРЭГСЛИЙН ОНОШЛОГОО, ХЯНАЛТ ЗОХИЦУУЛАЛТЫН АЛБА

ТЭЭВРИЙН ХЭЛТЭС

Холбоо барих утас 98700983, 70112859

Zindaa.mn-Үндэсний чөлөөт мэдээллийн портал